The greatest WordPress.com site in all the land!

Posts tagged ‘nenu’

వెతుకులాటలో “నేను”

నీ చిటికెన వేలు పట్టుకుని

ఏడడుగులు వేయగానే

నా ఇంటి పేరు మార్చేసావు
ఆనాటి నుండి
నా ఊహల్లొ.. ఊసుల్లొ నీవేనాయె
నీ ఆలోచనలే నా ఆచరణగా బతుకాయే
నా శ్వాస నిశ్వాసల్లో నీవేనాయె
నీ నీడలో .. నీ బాటలో
అత్తమామల సేవలో
పిల్లల ఆలన పాలనలో
ఏళ్ళు క్షణాలుగా దొర్లిపోయే
నేను గానీ లేకుంటే వీళ్ళంతా ఏమైపోతారోనన్న భ్రమలో గడచిపోయే
రెక్కలొచ్చిన పిల్లలు జీవనమార్గాన్వేషణలో వెళ్ళిపోయే
అలసి సొలసి
ఇప్పుడు ఒక్క క్షణం ఆగి
వెనక్కి చూసుకుంటే ..
ఏముందీ
అసలు “నేను”న్నానా..? సందేహం!
నా చదువూ .. నా విజ్ఞానం..
నా ఆలోచన..నా వివేచన ..
ఏమైపోయాయి..? ఎక్కడ చిక్కడిపోయాయి ..?
ఇకనైనా నేను నేనులా ఉండగలనా..?
వెతుకులాటలో “నేను”
నేను నీవైనప్పుదు
నీవు నేను అయ్యావా ఎప్పుడైనా?  ఎక్కడైనా?
ఆ వెతుకులాటలో  “నేను”
వి. శాంతి ప్రబోధ

Tag Cloud

%d bloggers like this: