The greatest WordPress.com site in all the land!

Posts tagged ‘వెలుగురేఖలు’

భవిష్యత్ గుడిసెపై వెలుగురేఖలు

స్నేహ సంబంధాలు మసకేసి
స్వార్ధం రాచపుండై విధ్వంసం సృష్టిస్తూ
గుప్పెడు గుండెని గుండుసూది మొనలతో గుచ్చుతూ
పచ్చి పుండై ఆరని గాయంతో మూగగా రోదిస్తున్న
నన్ను చూసి చిద్విలాసంతో చిందులేస్తుంటే ..
బంధాలు ఆత్మీయతానుబంధాలు వెలిసిపోయి
మంచు కత్తితో ముక్కలు ముక్కలు చేస్తూ
సరిహద్దులు దాటి కాకులు గద్దలకేసి ఆనందిస్తూ
పగడపు దిబ్బల్లా పొడుచుకొచ్చిన అహంకారంతో
అనుబంధాలన్న పదానికే అర్ధం మార్చేస్తుంటే ..
అమ్మమ్మ చెప్పిన కథలో పాము మింగిన చంద్రుడిలా
రాళ్ళు రప్పల మధ్య రణభుమిలా ఉన్న నాలో
ఉన్నాం, నీకు మేమున్నామని భరోసా ఇస్తూ
గ్రహణం వీడి భవిష్యత్ గుడిసెపై వెలుగురేఖలు విచ్చుకుంటూ ..

వి. శాంతి ప్రబోధ
20. 10.2014

Tag Cloud

%d bloggers like this: