The greatest WordPress.com site in all the land!

Posts tagged ‘వంచన’

వంచనా శిల్పం

మాయదారి సొమ్ము సమ్మోహన పరుస్తుంటే

ప్రేయసి వెంట పడ్డ ప్రియుడిలా పరుగులెడుతూ ..

విచ్చుకత్తుల్లా స్వార్ధం ఎగదోసుకు వస్తుంటే

యాసిడ్ దాడులకు పాల్పడే ఉన్మాదిలా ..

బంధాలూ .. అనుబంధాల పొరలు వోలిచేసి

నమ్మకంపై నగ్ననృత్యం చేసి
నెత్తురోడుతున్న విశ్వాసాన్ని సమాధిచేసి
స్నేహానికి ఘోరీ కట్టి
కరాళ మృదంగ హేళితో ..

మానవత్వాన్ని హేళన చేస్తూ మొలిపించిన

గాజు బంగ్లాల్లో బంగారు పీతిరిదొడ్లు కట్టించి
షరాబులా పుష్పక విమానాల్లో షికార్లు చేసినా ..
మంచులా ఘనీభవించిన మురుగు, కరిగి కాల్వలై

కుళ్ళి కంపు కొట్టే గలీజు..ఆ పీతిరిల్లోంచైనా

అవతలికి పోతుందా ,,? ఏమో .. !!!

పొతే.. నిన్నటి

బంధాలు అనుబంధాలకు రెక్కలొచ్చి

మనసు మమకారం తిరిగొచ్చి

నమ్మకంపై విశ్వాసాన్ని మిగిల్చి
నిన్నటి మనిషిగా నిలబెడుతుందా .. ? ఏమో ..!!!

లేక పొతే ..
నీ వంటబట్టిన విద్య నిను ఏమార్చి
గుంటనక్క ఎత్తుల జిత్తులతో చేతులు కలిపి
వంచనా శిల్పంతో మంట రగులుస్తుందా ..
ఆ సెగ నిను మాడి మసి చేస్తుందా ..
ఏమో ..!!! ఎవరికెరుక .. ???  కాలమే చెప్పాలి..
వి. శాంతి ప్రబోధ
( ఓ వ్యక్తి కొడుకు చదువు కోసం అమెరికా వెళ్ళడానికి బ్యాంకులో డిపాజిట్ చూపాలి.  ఎట్లాగైనా  ఆదుకొమ్మని మిత్రుడిని ప్రాధేయ పడితే నోటు పత్రం లేకుండా స్నేహంలో నమ్మకంతో ఇచ్చిన 20 లక్షలు తిరిగి ఆ మిత్రుడికి ఇవ్వకుండా మోసగించిన  సంఘటన తర్వాత రాసిన కవిత.)

Tag Cloud

%d bloggers like this: