The greatest WordPress.com site in all the land!

Posts tagged ‘లక్ష్యం’

ఏరీ… నన్ను మలిచే వారేరీ ..?

మీరన్నట్లు
నేను యువకుడిని
జవసత్వాలుడిగిన నవ యువకుడిని

టీవి , సినిమా వీక్షణలో
ఇంటర్నెట్ ఆకర్షణలో
సెల్ ఫోన్ సునామిలో
మద్యం మాదకద్రవ్యాల మత్తులో
కొట్ట్టుకు పోతున్న యువకుడిని

సోమరితనంతో
చంచలమైన మనస్సుతో
గమ్యం లేమితో మోటారు బైకులపై తిరుగుతూ
లక్ష్యం తోచక , గమ్యం తెలియక
కుంటి సాకులతో కాలం వెళ్లబుచ్చే యువకుడిని

హీరో హీరోయిన్లు
రాక్ స్టార్లూ – ఫాషన్ మోడల్సూ
టెన్నిస్ రాకెట్లు – క్రికెట్ బ్యాట్లతో ఆడేవాళ్ళూ
మా రోల్ మోడల్స్
అంటూ వారిననుసరిస్తూ అనుకరిస్తున్న యువకుడిని

కావచ్చు కానీ…. ,
నాకూ ఉంది జీవితంలో
ఏదో సాధించాలని , ఏదేదో
చేసేయ్యాలని , పదుగురిలొ
ఉన్నతంగా ఎదగాలని

మా తపన, ఆసక్తి , ఉత్సాహం
గమనించే తీరిక మీకుందా …
మమ్మల్ని ఉన్నత మార్గంలో పయనింపజేసే
దశా దిశా నిర్దేశం చేసే ఓపిక మీకుందా …

ఆత్మవిశ్వాసం , మనోనిగ్రహం, సేవాదృక్పథం, త్యాగం
ఆత్మస్థైర్యం , కార్యదీక్ష మాకు పరిచయం చేస్తున్నారా
బలహినతల్ని ఎదుర్కొనే శక్తి నింపుతున్నారా
మా మనోవైకల్యం తొలగించే ప్రయత్నం జరుగుతోందా …?

మాకు స్ఫూర్తి నిచ్చే, ప్రేరణ కలిగించే నేతలు ఏరీ ..
సభ్యత సంస్కారంగల కార్యశీలురుగా మలిచేవారేరీ
మా స్వభావంలోని మాలిన్యాన్ని తుడిచేసి
జీవితాన్ని ఎలా చూడాలో , ఎలా అర్ధం చేసుకొంటూ
భవిష్యత్తుపై ఆశలు నింపుకుంటూ సాగాలో తెలిపేవారేరి

Tag Cloud

%d bloggers like this: