The greatest WordPress.com site in all the land!

Posts tagged ‘యుద్దభూమి’

యుద్దభూమి

గడియారం ముల్లుతో
పరుగులు పెట్టే నేను
సమయంలేని పనిగంటల్ని
లెక్కచేయక ఊరు వాడా తిరిగా
ఫలితం
కుటుంబంలో గాలిదుమారం
కట్టుకున్నవాడు దూరం
బరువు బాధ్యతల భారం
కన్నబిడ్డలతో ఒంటరి జీవితం
నాలాంటి ఎందరికో ధైర్యమిచ్చిన నేను
ఒడ్డునపడ్డ చేప పిల్లలా గిలగిలలాడా
నన్ను నేను ఒదార్చుకున్నా
పిల్లల కోసం గుండె దిటవు చేసుకున్నా
నా పని నేను చేస్తూనే
డేగ చూపులతో నక్క జిత్తులతో
వెంటాడే వేటాడే మృగాళ్ళ
దాడి నుండి తప్పించుకుంటూ
పెంట కుప్పల్లో, గడ్డి వాముల్లో దాగి
నన్ను నేను కాపాడుకుంటూ …
నా పిల్లల కోసం కలలు గంటూ
నా లాంటి అభాగినులకు చేయూత నిస్తూ
వారిని స్వశక్తివంతులుగా చేస్తూ
వారిలో ఆలోచనలు రగిలిస్తూ
నా జవసత్వాలు ధారపోస్తూ
సాగుతున్న సమయంలో
కమ్ముకొచ్చిన కారుమేఘాలు
సునామీలా దుసుకోస్తూ
కట్టుకున్న కలల మేడల్ని కూలదోస్తూ
ఆశలని ఆవిరి చేస్తూ
భవిష్యత్ ని ప్రశ్నగా మిగిలిస్తూ
మా కార్యక్రమాలు ఫేజ్ అవుట్ వార్త
దావానలంలా ఎగిసిపడే ప్రశ్నలు
ఇన్నాళ్ళ నా సేవలకి , అంకిత భావానికి
రెక్కల కష్టానికి
వయసు వాలుతున్న సమయంలో
నా కన్నతల్లి అనుకున్న సంస్థ
ఇచ్చిన రిట్రెంచ్మెంట్ బహుమానం
కుప్పకూలిన కుటుంబం
రెక్కలుడిగిన భవితవ్యం !!

సిద్దం కావాలి …
మళ్ళీ నన్ను నేను, .. సిద్దం చేసుకోవాలి
కుంగిన మనసును యుద్దభుమిలా మార్చి
జీవన పోరాటం చేయడానికి

వి. శాంతి ప్రబోధ

(జులై ఎంప్లాయీస్ వాయిస్ లో ప్రచురణ అయింది)

Tag Cloud

%d bloggers like this: