The greatest WordPress.com site in all the land!

Posts tagged ‘మతోన్మాదం’

మౌనంగా ఎలా ఉండగలను ?

నా తిండి – తీరుపై
విద్వేషం విచ్చుకత్తులతో విరుచుకు పడుతుంటే.. ..
నా మాట – పలుకుపై
సవారీ చేసే మతోన్మాదం అసహనం వెళ్లగక్కుతుంటే ..
నా పెన్ను రాతలపై
సంకుచిత అహంకారపు గన్ను ఎక్కుపెడుతుంటే..
నా అస్తిత్వపు జాడలపై
అరాచక మూకలు నిత్యం దాడులు చేస్తుంటే..
నా ఆలోచన – వివేచనపై
చాందసత్వం ఆధిపత్యం చెలాయిస్తానంటే..
మౌనంగా ఎలా ఉండగలను ?

ఇప్పటివరకూ నా మౌనమే..
జడత్వమే .. నీకు రెక్కలిచ్చిందని
అహంకారపు ముళ్ళు తొడిగిందని

మరణ మృదంగం వాయిస్తోందని
గ్రహింపుకొచ్చా .. అందుకే, మౌనవీణ
శృతి చేసి హృది మీటి
పూరించే ..నా స్వరంలో ధిక్కారం

వ్యాపించే గంజాయి పూల తోటల్లో
లౌకిక ప్రజాస్వామిక సువాసనలు మొలిపించి
చుట్టూ విరబూసే విషాగ్ని జ్వాలలకడ్డుగా
చైనా గోడ కట్టేసి
మృత్యు పావులాట ఆడే ఈటెలతో
పోరు కెరటాలు ఎగురేసి
బతుకు పూల పరిమళాలు వెదజల్లే ప్రయత్నంలో
నేను సైతం ఉడుతనై సాగుతూనే ఉంటా …

వి . శాంతి ప్రబోధ
(published in Vihanga on 24.11.2015

Tag Cloud

%d bloggers like this: