The greatest WordPress.com site in all the land!

Posts tagged ‘బాటలోనే’

నీ బాటలోనే ..

నాన్నా …
భవ బంధాలకి దూరమై
అప్పుడే ఇరవై ఏళ్ళయిపోయిందా
అసలు ఎలా గడిపేశాం
ఇన్నాళ్ళూ .. ఇన్నేళ్ళూ ..

ఊహు .. నీవెక్కడికీ
పోలేదు నాన్నా…
మా తోనే ఉన్నావు
ఎప్పటికీ ఉంటావు

చిటికెన వేలు పట్టుకొని
నడుస్తూ నీవు చెప్పిన
బుద్దులు మీరలేదు
నీవు నేర్పిన
నడక తప్పలేదు

కళ్ళజోడు
కిందనుంచి
సూటిగా చూసే చూపు
ఇప్పటికీ మమ్మల్ని
కాపు కాస్తూనే …

పై పై మెరుగుల
తళుకు బెళుకుల
నేటి సమాజంలో
నిత్యం గేలం వేసే
వస్తు ప్రపంచంలో

ఎగుడు దిగుడుల
బాటలో కాళ్ళకు
తగిలే రాళ్ళూ రప్పలూ
ఏరిపారేస్తూ ..
ఒక్కోసారి
డక్కా మొక్కీలు తింటూ
అడుగులో అడుగులేసుకుంటూ
కదులుతూనే ఉన్నాం
నెమనెమ్మదిగా నైనా
నీవు నేర్పిన ఆ ..
అడుగుజాడల్లోనే

వి. శాంతిప్రబోధ

Tag Cloud

%d bloggers like this: