The greatest WordPress.com site in all the land!

Archive for April, 2014

ఓటు

vote

నా ఓటు
నా చేతిలో వజ్రాయుధం
నా ఓటు
కాదు డబ్బుకు దాసోహం
నా ఓటు
లొంగదు మద్యం మత్తుకు, ప్రలోభాలకు,
నా ఓటుకు
లేదు కులం, మతం, ప్రాంతం

నా ఓటు
నాకు అందుబాటులో ఉండే వారికి
నా ఓటు
ప్రచారాలకు కాదు ప్రజా సేవకులకి
నా ఓటు
నీతికి, నిజాయితీకి, అభివృద్దికి
Art-of-Living-Blog-vote-for-a-better-India
నా ఓటు
సముద్రంలో చిన్ని నీటి బొట్టే కావచ్చు ,
నీ ఓటూ ఓ నీటి చుక్కే కావచ్చు , కానీ ..
ఒక్కో చుక్కే మరో చినుకుతో కలుస్తూ
వాగులై వంకలై నదులై
పుడమి తల్లిని సస్యశ్యామలం చేస్తూ ..
నా ఓటూ నీ ఓటుతో జత కలుస్తూ
నాలో , నీలో .. మరొకరిలో చైతన్యం నింపుతూ
ఓట్ల వరదై , బాలెట్ బాక్స్ లు నిండుతూ
ప్రజాస్వామ్యపు పునాదులు గట్టిబరుస్తూ
స్వతంత్ర దేశపు అడుగులు బలపరుస్తూ
నా కోసం నీ కోసం మన కోసం
స్వచ్చమైన పాలన అందించదా ..
మెరుగైన ప్రపంచాన్ని సృస్టించదా…
అన్న ఆశతో .. ఆకాంక్షతో ..
వేలికి సిరా చుక్క వేయించుకుంటా

వి. శాంతిప్రబోధ

ఊపిరులూదే మెదళ్ళ కోసం..

garbage

అప్పుడు, ఎవరికీ ఎలాంటి ఇబ్బందీ కలిగించకుండా
అమ్మ ఒడిలో ఒదిగిపొయేదాన్ని . కరిగిపొయేదాన్ని
ఇప్పుడు, మీ అవసరాలకోసం, సౌఖ్యం కోసం
సానిటరీ నాప్కిన్లు , డైపర్లు, మెడికల్ వేస్టు, పాలిథిన్ కవర్లు ఏవేవో
రోజుకో తీరుగా కనిపెడుతూ .. ఇబ్బడి ముబ్బడిగా వాడిపడేస్తూ ..
టన్నులకు టన్నులు నన్ను ఉత్పత్తి చేస్తూ పోతూనే…
ఎక్కడంటే అక్కడ పోసేస్తూనే గుట్టలుగుట్టలుగా పేరుకుపోతూనే..

నేనెక్కడుంటే .. అక్కడ కుక్కల, పందుల స్వైర విహారం,
నన్ను భూస్థాపితం చేయలేదంటూ కెమెరా క్లిక్కుల వీర విహారం
నన్ను చూస్తే మీకు అసహనం, అసహ్యం
ఈసడించుకుంటారు .. చీదరించుకుంటారు
ముక్కుపుటాలు అదిరిపోయే గంధం వెదజల్లుతానని
ఈగలు దోమలు, పురుగులకు అవాసమవుతానని
డెంగ్యు, కలరా , మలేరియాలకు కారణమవుతానని

ఆడిపోసుకుంటారేం..? అందుక్కారణం మీరు కాదా చెప్పండి ..!
సేకరణ చేయరు, నిత్యం నన్ను తరలించరు
నేను పోగవుతూనే.. రాశులు రాశులుగా
మీ నిర్లక్ష్యం , ఆలక్ష్యంలా ..!

పర్యవేక్షణా లోపం అధికారుల్లో
వెచ్చించేది కోట్లలో కాకి లెక్కలు కాగితాల్లో
మనసు లోతుల్లో ప్రవహించే మురికి వ్యవహారం
వెదజల్లే అవినీతి, అత్యాశల దుర్గంధం
నా ఎదలోతుల్లో గునపాలు గుచ్చుతూ…
నా శ్వాస నిశ్వాసలపై మరణ మృదంగమాడిస్తూ..

కానీ …,కొన్ని మెదళ్ళు
నా గురించే తపిస్తూ .. ఆరాటపడుతూ
విన్నుత్నంగా ఆలోచిస్తూ .. , నన్నూ ఉపయోగంలోకి తెస్తూ
తడి పొడి వేరుచేసే ఫల్వెజర్ లు నిముషాల్లో నన్ను నమిలి పిప్పి చేస్తూ ..
ఈగలు .. దోమలు , కుక్కలు , పందుల పీడ విరగడ చేస్తూ
దుర్గంధం విరిచేస్తూ, చెత్తకు చెల్లుచీటి రాస్తూ, మానవాళికి ఊపిరులూదుతూ
ప్రకృతికి మేలుచేస్తూ, పర్యావరణాన్ని కాపాడుతూ
vanta gyaas
చీకటిలో వెన్నెల వెలుగులు విరజిమ్మే విద్యుత్ గా మారుస్తూ ..
వర్మి కంపోస్ట్, ఇటుకలు, వంటగ్యాస్ అవతారం ఎత్తిస్తూ
నా రూపురేఖలు మార్చేసి నాకూ ఒక విలువ కల్పిస్తూ
నా నుండి ఆదాయ మార్గాలన్వేషిస్తూ .. ఆదాయం సమకురుస్తూ.
నా హృదయం హర్షిస్తూ పుడమి తల్లి పులకరిస్తూ

వి. శాంతి ప్రబోధ

Image

059.jpg

తయారు చేసిన బొజ్జ గణపయ్యలు

Image

052.jpg

2013 వినాయకచవితికి మట్టి గణపతుల తయారీలో బిజీ బిజీగా

Image

041.jpg

గాంధీజీ వేషధారణ లో జన్నే రాజు

Image

079.jpg

పేపర్ తో చేసిన నగలు

నెల్లిమర్ల మహిళ

ఆమె
అక్షర జ్ఞానం లేని అతివ
ఆమె
అభం శుభం ఎరుగని అబల
అది నిన్నటి మాట
మరి నేడు ..?
ఆమె
అక్షర జ్ఞానంతో
అనంత శక్తి నింపుకున్న ఆదిశక్తి
అనంత విశ్వంలో
అడ్డంకులు , అగాధాలు , అధిగమించిన ధీశాలి
అవును
బతుకు సమస్యలు తెలిసినది
బతుకు పోరులో రాటు దేలినది
బాంచను గాళ్ళం కాదంటూ
బందులు, ధర్నాలు , రాస్తారోకోలు
అన్నింటా ముందు నిలిచింది
అక్కడి కార్మిక ఉద్యమానికి ఉపిరిగా మారింది

అస్తిపంజరాల్లాంటి అయినవారి
ఆకలికేకలు
ఆమె అణగారిన గుండె లోయల్లో
అంతర్జ్వాల రగిల్చింది
ఓ చంకన చంటోడు
మరో చంకన చద్దిమూటతో
చైతన్యంతో నడిచింది

సంపదకాజేసే సిలీంద్రపు చీడపురుగుల
సరసన చేరిన సర్కారు విధానాలకు
వ్యతిరేకంగా నినదించింది
ఛలో కలేక్టరేట్ అంది
ఎర్రటి ఎండలో
ఎర్ర టోపిల లాటీ దెబ్బలు తింది
కరడుగట్టిన కసాయి కాకీల
కాల్పుల్లో అయిన వారిని కోల్పోయింది

అయనా
పట్టుదలకు , పోరాటానికి
ప్రతీకగా నిలిచింది
పట్టుసడలని విశ్వాసంతో సమరశంఖం ఊదింది
ముందు తరాల వారికి
మార్గదర్శి అయింది
ఆ సమర కాంత
నెల్లిమర్ల మహిళ

వి. శాంతిప్రబోధ
(నెల్లిమర్ల మహిళపై ఎప్పుడో రాసిన కవిత)

Tag Cloud

%d bloggers like this: